A traditional nauha for the Chehlum of Imam Hussain (a.s.)

تاریخی و قدیمی نوحہ بمناسبت چہلم امام حسینؑ

اج چہلم شاہ زمن دا اے — کرو ماتم سب آکھے سینڑ زینب نال کھول کے سر دے وال

خواب وچ آلے ابن زیاد نے ویکھیا شاہ ابرار اے — چھوڑ دے آل مینڈی کو آکھے عابد سخت بیمار اے — سال برابر قید رہی وچ شام دے مینڈی آل اے

ڈر کے اٹھیا ظالم بھیڑا، عابد کوں بلوایا — قید تساڈی ختم تھئی اے ظالم حکم سنڑایا — سر شبیر دا طلب کریسو ڈیساں معجزے نال

قید خانے وچ آنڑ کے عابد پھپھی کوں فرمایا — قید رہا کر چھوڑی اے ظالم نال اے حکم سنڑایا — معجزہ دکھاؤ، سر کو لہاؤ، سانگ تو شاہ لجپال

سنڑ کے کلام عابد دی، زینب سانگ تلے آ بولی — معجزہ طلب کریندے نے ظالم آ جا بھینڑ دی جھولی — کر پرواز آیا کول ہمشیر دے دیکھ کے کھلے ہوئے وال

قیداں چھٹیاں آل نبی دیاں کربل دی اے تیاری — یثرب والے قافلے دا یارو عابد بنڑیاں مہاری — سب ملک روئے جداں زینب نے لایا قبر کوں گل دے نال

شام کولوں آئی بھینڑ زینب تے بقیے چوں ماں زہرا اے — نجف کولوں آیا بابا علی نانا چھوڑ مدینہ آئے — چہلم کرنیاں اک لکھ چوی ہزار پیغمبراں نال

کاظمی بس کر شاہ شبیر کوں یاد آئی اک گال اے — قافلے کولو پچھیا شاہ نے سکینہ دا کی حال اے — قبرستان مسافراں دے رہی رب دی رضا دے نال

(نتیجہ فکر، شاعرِ اہلبیت سید سجاد کاظمی) — شائع کردہ: انجمن خدام عزاء حیدریہ ٹرسٹ پشاور